ប្រវត្តិ​នៃ​ការ​ដាក់​ឈ្មោះ​របស់​ក្រុម​ហ៊ុន​បច្ចេក​វិទ្យា​ធំ​ៗ ទាំង១០

តើ​មិត្ត​អ្នក​ទស្ស​នា​មាន​ដែល​ឆ្ងល់​ទេ​ថា ហេតុ​អ្វី​បាន​ជា ស្ថាប​និក ឬ អ្នក​បង្កើត សម្រេច​ចិត្ត ដាក់​ឈ្មោះ​ផលិតផល, គេហ​ទំព័រ ឬ សេវា​កម្ម​របស់​ពួក​គេ ថា​​ដូច​នោះ?
ហេតុ​អ្វី​បាន​ជា​ដាក់​ឈ្មោះ​ថា EBay, Twitter, Skype, Joomla ?
ខាង​ក្រោម​នេះ​ អាយធីកូនខ្មែរ នឹង​បង្ហាញ​ពី​មូល​ហេតុ​នៃ​ការ​ដាក់​ឈ្មោះ​ឲ្យ​ក្រុម​ហ៊ុន​ធំ​ៗ​ទាំង​នេះ៖
១. Amazon
អ្នក ​បង្កើត​ចង់​បាន​ឈ្មោះ​ដែល ចំលែក និង ប្លែក ហើយ​ក៏​បាន​ជ្រើស​រើស Amazon ដែល​ជា​ទន្លេ​ដែល​ធំជាង​គេ​ក្នុង​ពិភព​លោក ក្នុង​គោល​បំណង​ថា ក្រុម​របស់​ពួក​គេ​នឹង ធំ​ជាង​គេ ដូច​ទន្លេ​​នេះ ដូច្នេះ​ដែរ​។
ចំពោះ logo វិញ សញ្ញា​ព្រួញ ដែល​ចង្អុល​ពី តួអក្សរ A ទៅ Z មានន័យ Amazon អ្វី​ក៏​មាន​ដែរ​។

២. Twitter
វា ​មាន​ជំរើស​បី​គឺ status, jitter និង twitch ប៉ុន្តែ​នៅ​ពេល​ដែល​អ្នក​បង្កើត បាន​ឃើញ​និយម​ន័យ​របស់​ពាក្យ Twitter នៅ​ក្នុង​វចនានុ​ក្រម គាត់​ក៏​រក​ឃើញ​ថា​មួយ​ណា​ជា​អ្នក​ឈ្នះ គឺ Twitter ព្រោះ​វា​ជា​ឈ្មោះ ដែល​ក្តោប​ន័យ​ពាក្យ​ទាំង​បី​នោះ គឺ​ពត៌​មាន​ខ្លី​ៗ និង សម្លេច​ចេក​ចាច របស់​បក្សី។

 ៣. Digg
Digg គឺ​ត្រូវ​បាន​យក​មក​ពី​ពាក្យ Diggnation ប៉ុន្តែ​យក​ត្រឹម​តែ បី​តួ​ខាង​មុខ​ដើម្បី​ឲ្យ​ខ្លី​គឺ Dig។ តាំង​ពី Dig.com ត្រូវ​បាន​យក​ដោយ Disney ពួក​គេ​បន្ថែម g ដើម្បី​ក្លាយ​ជា Digg។

៤. eBay
មុន ​ដំបូង eBay មាន​ឈ្មោះ​ដ៏​វែង​ថា Echo Bay Technology Group។ បន្ទាប់​ពី​ធ្វើ​ឲ្យ​ខ្លី​ទៅ​ជា Echo Bay អ្នក​បង្កើត​ក៏​បាន​ផ្លាស់​ប្តូរ​ទៅ​ជា eBay.com ព្រោះ EchoBay ត្រូវ​បាន​គេយក​។

៥. Skype
ពាក្យ ​ដើម​គឺ Sky-Peer-to-Peer បន្ទាប់​មក​ក៏​ដាក់​ថា Skyper ប៉ុន្តែ​ក៏​ត្រូវ​បាន​លុប​តួអក្សរ r ចេញ​ដោយ​សារ​តែ​ឈ្មោះ​នេះ ត្រូវ​បាន​គេ​យក​រួច​ទៅ​ហើយ​។

៦. Flicker
ដោយ ​សារ​តែ​អ្នក​ផ្សេង​មាន Flicker.com រួច​ទៅ​ហើយ ដូច​នេះ​អ្នក​បង្កើត​ក៏​បាន​លុប​តួ​អក្សរ e ដើម្បី​រក្សាឈ្មោះនេះ​។ វា​ក៏​ក្លាយ​ទៅ​ជា​ឈ្មោះ​ដ៏​ពិរោះមួយ និង ងាយ​ស្រួល​ក្នុង​ការ​ចង​ចាំ។

៧. Joomla!
Jumla ជាភាសា Swahili ដែល​មាន​ន័យ​ថា All Together។ បន្ទាប់​មក​ពួក​គេ​បាន​ជំនួស​តួ​អក្សរ u ទៅ​ជា​ពីរ​តួអក្សរ oo។

៨. Google
មុន ​ដំបូង​គឺ​មាន​ឈ្មោះ​ថា Googol ដែល​មាន​ន័យ​ថា ១០ ស្វ័យ​គុណ ១០០ ជា​លេខ​ដ៏​ធំសម្បើម​។ បន្ទាប់​ពី​ស្ថាប​និក​ទាំង​ពីរ Sergey Brain និង Larry Page បញ្ចប់​ការ​សិក្សារ ពួកគេ​បាន​ធ្វើ​បទបង្ហាញ​គំរោង​របស់ពួក​គេ ទៅ​កាន់​ក្រុម​ហ៊ុន​មួយ បន្ទាប់​ក្រុម​ហ៊ុន​នោះ​បាន​ផ្ញើ Cheque មក​ឲ្យ​ពួក​គេ ដោយ​សរសេរ​ខុស​​ទៅ​ជា Google។ បន្ទាប់​មក​ដោយ​ឃើញ​ឈ្មោះនេះ​ ងាយ​ស្រួល​អាន និង សរសេរ ពួក​គេ​ក៏​ដូរ​ឈ្មោះ​ក្រុម​ហ៊ុន​របស់ពួក​ទៅ​ជា Google។

៩. Adobe
ឈ្មោះ ​នេះ​គឺ​យក​មក​ពី​ឈ្មោះ​របស់​ទន្លេ Adobe Creek ដែល​ស្ថិត​នៅ​ខាង​ក្រោយ​ផ្ទះ​របស់​ស្ថាបនិក​បង្កើតក្រុមហ៊ុន Adobe គឺលោក John Warnock។

១០. Apple
Apple គឺ​ជា​ផ្លែ​ឈើ​ដែល​ស្ថាប​និក Steve Jobs ចូល​ចិត្ត​ជាង​គេ​។ គាត់​បាន​ចំណាយ​ពេល​វេលា ៣ខែ ក្នុង​ការ​ដាក់​ឈ្មោះ​នេះ ហើយ​គាត់​បាន​សម្លុត​ឲ្យ​ហៅ​ក្រុមហ៊ុន​របស់​គាត់ថា Apple Computers ទោះ​ជា​មិត្ត​រួម​ការ​ងារ​ផ្សេង​ទៀត​មិន​បាន​និយាយ​ថា វាគឺ​ជា​ឈ្មោះ​ល្អ​ក៏ដោយ។